Дунёдаги энг машҳур сайт аниқланди
Жаҳондаги энг машҳур сайтга google.com қидирув тизими айланди. Бу ҳақда Similar Web таҳлил компанияси ҳисоботида айтилади.
Таъкидланишича, сайтларни баҳолашда уникал фойдаланувчилар сони ҳисобга олинди. Бундан ташқари, шахсий компьютерлар ва мобиль қурилмалардан киришлар ҳам алоҳида ҳисобланди.
Натижада жаҳондаги энг оммабоп сайтgoogle.com’нинг уникал фойдаланувчилари сони – 26 миллиард 697 миллион киши – Ер аҳолисидан ҳам кўплиги аниқланди.
Масалан, 2017 йилнинг декабрида ресурсга 733,6 миллион фойдаланувчи шахсий компьютерлардан, 1,5 миллиард киши эса гаджетлардан кирган.
Машҳурлик бўйича иккинчи ўринда – Google’га тегишли бўлган YouTube видео-сервиси. Унга 22,9 миллиард фойдаланувчи кирган. Учинчи поғонада – Facebook ижтимоий тармоғи (21,9 миллиард).
Кейинги ўринлардан «Википедия», Yahoo, Twitter, Хитойнинг Baidu қидирув тизими ва Instagram жой олган.
Fikrlar 1
Fikr qoldirish