Шимолий Корея замонавий енгил автомобиль ишлаб чиқаради

Корея халқ демократик республикасида Naenara номида автомобиль ишлаб чиқарилади. Ушбу бренд остида қатор қулайликларга эга енгил машиналар харидорларга етказиб берилади. Бу ҳақда тарихчи, таржимон ва КХДР қонунлари маълумотлар базасини ташкил этган Мартин Висер Twitter саҳифасида маълум қилди.
Корхона режаларига йўловчи автомобиллар, ихчам ва ўрта ўлчамдаги автобуслар, унча катта бўлмаган юк машиналари ишлаб чиқиш киради. Моделларга ўрнатиладиган моторлар қуввати 74 дан 108 от кучигача эга бўлади.

Уларга ҳавони совутгичлар, электр ойна кўтаргичлар, рул бошқарувини кучайтиргичлар, орқани кўрсатувчи ёнойналарни электр мослаш, парктроник ва ҳатто Start/Stop тизими ўрнатилади.
Ишлаб чиқарувчиларнинг режаларига биноан автомобиллар ва автобуслар бир км масофага 42-50 гр ёқилғи сарфлайди. Юк машиналарининг бу борадаги кўрсаткичи 58 гр.ни ташкил этади. Бироқ айнан қандай ёқилғи қўлланилишига ойдинлик киритилмаган. Автомобилларнинг энг юқори тезлиги соатига 120-180 км.ни ташкил этади.
Маълумки, КХДРда транспорт воситалари ишлаб чиқарувчи бир нечта корхоналар фаолият юритади. Уларда асосан юк машиналари, жамоат транспорти ёки йўлтанламаслар ишлаб чиқарилади. Бундан ташқари, Жанубий ва Шимолий Корея иштирокидаги Pyeonghwa Motors қўшма корхонаси йўловчи автомобиллари ишлаб чиқаради.